မြန်မာနိုင်ငံ၏ တီဘီရောဂါဖြစ်ပွားမှုအခြေအနေ

မြန်မာနိုင်ငံတွင် ခန့်မှန်းခြေအားဖြင့် နှစ်စဥ်တီဘီရောဂါ ဝေဒနာရှင် (၁၉၀,၀၀၀) ကျော်ခန့်ရှိပြီး ၄င်းတို့အထဲမှ (၆၀,၀၀၀) ခန့်မှာ ပြည်သူလူထုအတွင်း ကူးစက်မှုအများဆုံးပေးနိုင်သော သလိပ်ပိုးတွေ့ အဆုတ်တီဘီလူနာများ ဖြစ်သည်။

၂၀၁၁ ခုနှစ် ဆေးရုံမှတ်တမ်းအစီရင်ခံစာအရ တီဘီရောဂါသည် သေဆုံးစေသည့် ရောဂါများ အနက် ဆဌမအများဆုံး နေရာတွင်ရှိပြီး အဖြစ်အများဆုံး ရောဂါများအနက် သတ္တမနေရာတွင် ရှိနေပါသည်။ (Source: 2011 Annual Hospital Statistic Report, Dept. Health Planning) ၂၀၁၇ ခုနှစ်တွင် Mortality အဆင့်(၁၀)နှင့် ရောဂါြဖစ်ပွားမှု Morbidity အဆင့် (၁၅) ဖြစ်သည်။ (MOHS Webpage)

မြန်မာနိုင်ငံ စတုတ္ထအကြိမ် တီဘီစစ်တမ်း (၂၀၁၇-၂၀၁၈) အရ မြန်မာနိုင်ငံ တီဘီရောဂါ အသစ်ဖြစ်ပွားနှုန်းမှာ တစ်နိုင်ငံလုံး ၃၃၈/၁၀၀,၀၀၀ လူဦးရေ၊ ပြည်နယ် ၂၈၂/၁၀၀,၀၀၀၊ တိုင်းဒေသကြီး ၃၃၀/၁၀၀,၀၀၀ နှင့် ရန်ကုန်တိုင်း ဒေသကြီးတွင် ၅၀၆/၁၀၀,၀၀၀ ရှိကြောင်းတွေ့ရှိ ရပါသည်။ Global TB Report (2019) အရ မြန်မာနိုင်ငံ၏ ၂၀၁၈ TB Incidence Rate မှာ ၃၃၉/၁၀၀,၀၀၀ ဖြစ်ပြီး တီဘီသေဆုံးနှုန်းမှာ ၃၉/၁၀၀,၀၀၀ လူဦးရေ ဖြစ်ပါသည်။

လက်ရှိအခြေအနေတွင် အမျိုးသားတီဘီရောဂါတိုက်ဖျက်ရေး စီမံကီန်းသည် တစ်နိုင်ငံလုံးကို လွှမ်းခြုံပြီး အကောင်းအထည်ဖေါ် ဆောင်ရွက်လျက်ရှိရာ (၂၀၁၈) ခုနှစ် စာရင်းဇယားများအရ စုစုပေါင်း တီဘီရောဂါ ဝေဒနာရှင် (၁၄၀,၀၀၀) ဦးခန့်ကို ရှာဖွေဖေါ်ထုတ်ပြီး ကုသမှုပေးနိုင်ခဲ့ပါသည်။